Qulam Axundov

Qulam Axundov
	Axundov Qulam Bağır oğlu
	Qulam Axundov
Doğum tarixi	1877
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	1947
Vəfat yeri	Nuxa, Nuxa rayonu, Azərbaycan SSR, SSRİ
Həyat yoldaşı	Züleyxa
Uşaqları	Zümrüd Axundova, Şəfiqə Axundova

Qulam Axundov (1877–1947) — 1920-ci illərin birinci yarısında bir müddət Azərbaycan K(b)P Nuxa qəza partiya komitəsinin məsul katibi vəzifəsində çalışmış şəxs. İlk azərbaycanlı qadın elmlər namizədi Zümrüd Axundovanın və görkəmli Azərbaycan bəstəkarı Şəfiqə Axundovanın atasıdır.

Haqqında məlumatlar[Vizual redaktə | HTML redaktə]

1877-ci ildə Nuxada (indiki Şəki) anadan olub.

1917-ci ilədək sahibkar yanında muzdur işləyib.

1920-ci illərin birinci yarısında bir müddət^{[qeyd 1]} Azərbaycan K(b)P Nuxa qəza partiya komitəsinin məsul katibi və “Nuxa fəhləsi” qəzetinin məsul redaktoru olub^{[qeyd 2]}.

Sovet hökumətindən qaçaq düşmüş bir sıra günahsız şəxslərin öz evlərinə qaytarılmasında, onlardan bəzilərinin əməyə və təhsilə cəlb edilməsində xidmətləri var^[1].

1924-cü ildə Bakıya köçüb və müxtəlif vəzifələrdə çalışıb.

1947-ci ildə Nuxada (indiki Şəki) vəfat edib.

Xatirəsi[Vizual redaktə | HTML redaktə]

Şəki şəhərində adına küçə var.

Qeydlər[Vizual redaktə | HTML redaktə]

↑ Ən geci 1922 ildən (Tahirzadə Ə.Ş., 2005, s. 79) ən geci 28 iyul 1923-ci il tarixədək (Tahirzadə Ə.Ş., 2005, s. 81).
↑ Həmin illərdə baş redaktor vəzifəsi “sədr mühərrir” adlanırdı, lakin qəzetdə sədr mühərririn adı əvəzinə bir qayda olaraq yalnız məsul redaktorun adı göstərilirdi ki, bu da qəza, mahal, rayon, yaxud şəhər partiya komitəsinin məsul katibi idi (OTÖ, 2006, s. 373).