Qərib Calalov

Qərib Calalov
Calalov Qərib İsaq oğlu
Qərib Calalov 80 illik yubileyində, Neft və Qaz İnstitutu, 5 dekabr 2017-ci il.
Doğum tarixi	28 noyabr 1937 (1937-11-28)
Doğum yeri	Baş Göynük, Nuxa (indiki Şəki) rayonu, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	AMEA Neft və Qaz İnstitutu, quyu-lay sistemlərinin hidrodinamikasının nəzəri problemləri şöbəsi (şöbənin rəhbəri)
Elmi dərəcəsi	texnika elmləri doktoru
Elmi adı	professor
Təhsili	• S.M.Kirov adına Azərbaycan Dövlət Universiteti, mexanika-riyaziyyat fakültəsi (–1960)  • Azərbaycan SSR EA Neft-Kimya Prosesləri İnstitutu, aspirantura (1964–)
Üzvlüyü	AMEA, müxbir üzv
Mükafatları

Qərib Calalov — yeraltı hidroqaz dinamikası və neft-qaz yataqlarının işlənməsi sahəsində tanınmış alim, texnika elmləri doktoru, professor, Azərbaycan Milli Elmlər Akademiyasının müxbir üzvü, AMEA Neft və Qaz İnstitutunun quyu-lay sistemlərinin hidrodinamikasının nəzəri problemləri şöbəsinin rəhbəri.

Haqqında məlumatlar

28 noyabr 1937-ci il tarixdə Nuxa (indiki Şəki) rayonunun Baş Göynük kəndində anadan olub.

Təhsili

1955-ci ildə Baş Göynük kənd orta məktəbini,

1960-cı ildə S.M.Kirov adına Azərbaycan Dövlət Universitetinin mexanika-riyaziyyat fakültəsini bitirib.

1964-cü ildə Azərbaycan SSR EA Neft-Kimya Prosesləri İnstitutunun aspiranturasına daxil olub.

Əmək fəaliyyəti

1960-cı ildə Azərbaycan SSR EA Neft-Kimya Prosesləri İnstitutunda kiçik elmi işçi vəzifəsinə qəbul olunub; daha sonra bu institutda kiçik elmi işçi, mühəndis, böyük mühəndis, böyük elmi işçi, aparıcı elmi işçi, baş elmi işçi və laboratoriya müdiri,

2003-cü ildən quyu-lay sistemlərinin hidrodinamikasının nəzəri problemləri şöbəsinin rəhbəri vəzifəsini tutub.

Pedaqoji fəaliyyəti

Azərbaycan Dövlət Neft və Sənaye Universitetinin professor-müəllimidir.

Elmi fəaliyyəti

1967-ci ildə “Quyuların debitləri müxtəlifliyinin və layın qeyri-bircinsliyinin sulaşma prosesinə təsiri məsələləri” mövzusunda namizədlik dissertasiyasını,

1991-ci ildə “Deformasiya olunan kollektorlarda neft və qaz yataqlarının işlənməsinin hidroqazodinamikası” mövzusunda doktorluq dissertasiyasını müdafiə edib.

1992-ci ildə professor elmi adını alıb.

2001-ci ildə Azərbaycan Milli Elmlər Akademiyasının müxbir üzvü seçilib.

42-si xaricdə və 20-si beynəlxalq bazalarda referatlaşdırılan və indeksləşdirilən jurnallarda dərc olunmaqla çap olunmuş 250 elmi əsərin müəllifidir.

12 elmlər namizədinin, 1 elmlər doktorunun elmi rəhbəri olub.

Digər

5 dekabr 2017-ci il tarixdə Neft və Qaz İnstitutunda özünün iştirakı ilə 80 illik yubileyinə həsr olunan tədbir keçirilib.

Təltif və mükafatları

• Qubkin adına mükafat (1985);
• “Şöhrət” ordeni (2005).

Ədəbiyyat

1. Məmmədov Ə., Xalıqov F. Calalov Qərib // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 80-83. — 1.000 nüsx.
2. Qərib Calalov // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 592 s.). — Bakı: “Azərbaycan Milli Ensiklopediyası” Elmi Mərkəzi, 2014. —V  c. — Səh. 172. — ISBN 978-9952-441-10-9.
3. Yubileylər : AMEA-nın müxbir üzvü Qərib Calalovun 80 illik yubileyi qeyd olunub : [arx. 12.09.2021] // Azərbaycan Milli Elmlər Akademiyası. — 2017. — 5 dekabr. — Müraciət tarixi: 12.09.2021.
4. Müxbir üzvlər : Calalov Qərib İsaq oğlu : [arx. 12.09.2021] // Azərbaycan Milli Elmlər Akademiyası. — Müraciət tarixi: 12.09.2021.