Nəsib Əbdürrəhmanov

Nəsib Əbdürrəhmanov
Əbdürrəhmanov Nəsib Yusif oğlu
Nəsib Əbdürrəhmanov.
Digər adları	Nəsib Abdurrahmanov, Nəsib Abdurəhmanov, Nəsib doktor
Doğum tarixi	24 oktyabr 1913(1913-10-24)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	23 sentyabr 1976 (62 yaşında)
Vəfat yeri	Şəki, Azərbaycan SSR, SSRİ
Vəfat səbəbi	ürək xəstəliyi
Həyat yoldaşı	Səadət Abidova
Uşaqları	Yusif, İradə və Sədaqət
Təhsili	Azərbaycan Tibb İnstitutu (1934–1939)
Mükafatları

Nəsib Əbdürrəhmanov (1913–1976) — Azərbaycan SSR əməkdar həkimi, Şəki Mərkəzi Xəstəxanasının baş həkiminin müavini.

Haqqında məlumatlar

24 oktyabr 1913-cü il tarixdə Nuxada (indiki Şəki) anadan olub.

1916-cı ildə atası,

1917-ci ildə anası vəfat edib. Bundan sonra əmisi oğlunun himayəsində böyüyüb.

Təhsili

1932 – 1934-cü illərdə fəhlə fakültəsində,

1934 – 1939-cu illərdə Azərbaycan Dövlət Tibb İnstitutunda təhsil alıb.

Hərbi xidmətdə

1939-cu ildə hərbi xidmətə çağırılıb. Böyük Vətən müharibəsində iştirak edib və bir neçə dəfə yaralanıb.

1943-cü ildə 3-cü dərəcəli hərbçi-həkim,

1944-cü ildən isə tibb xidməti kapitanı hərbi rütbəsinə malik idi. Müharibə dövründə bir orden və bir neçə medalla təltif olunub.

28 dekabr 1945-ci il tarixdə ordudan tərxis edilib.

Əmək fəaliyyəti

On yaşında çəkməçi yanında şagird durub.

1926 – 1928-ci illərdə ipək fabrikində fəhlə işləyib. Sonra bənnalıq kursunu bitirib və bənnalıq etməyə başlayıb.

1939-cu ildə qısa müddət əvvəl Nuxa şəhər poliklinikasında, sonra isə Nuxa rayonunun Baş Göynük kəndindəki sahə xəstəxanasında həkim,

1946-cı ildən Nuxa rayon mərkəzi xəstəxanasının yoluxucu xəstəliklər şöbəsinin müdiri,

1950 – 1955-ci illərdə rayon Nuxa şəhər səhiyyə şöbəsinin müdiri,

1955-ci ildən ömrünün sonuna qədər Nuxa/Şəki şəhər mərkəzi xəstəxanasında baş həkiminin müavini vəzifəsində çalışıb.

İctimai-siyasi fəaliyyəti

IV (1953), V (1955), VI (1957), VII (1959), VIII (1961) və IX (1963) çağırış Nuxa şəhər Sovetinin deputatı olub.

Təltif və mükafatları

• “Döyüş xidmətlərinə görə” medalı (12.03.1943);
• “Qırmızı Ulduz” ordeni (20.10.1944);
• “Moskvanın müdafiəsinə görə” medalı (23.12.1944);
• “1941-1945-ci illər Böyük Vətən müharibəsində Almaniya üzərində qələbəyə görə” medalı (09.05.1945);
• “Köniqsberqin alınmasına görə” medalı (09.06.1945);
• “Səhiyyə əlaçısı” döş nişanı;
• “Azərbaycan SSR əməkdar həkimi” fəxri adı;
• Azərbaycan SSR Ali Sovetinin Fəxri fərmanı (29.07.1964).

Vəfatı

23 sentyabr 1976-cı il tarixdə – 62 yaşında, Şəkidə ürək tutmasından vəfat edib.

Ailəsi

Həyat yoldaşı Səadət Abidova uzun illər Şəki mərkəzi xəstəxanasında laboratoriya müdiri olub. Oğlu Yusif həmin xəstəxanada cərrah, bir qızı İradə ginekoloq, digər qızı Sədaqət isə Bakıdakı xəstəxanalardan birində terapevt işləyib.

Ədəbiyyat

1. Абдурахманов Насиб Юсупович : [arx. 28.01.2023] : [rus.] // Память Народа. — Müraciət tarixi: 28.01.2023.
2. Абдурахманов Насиб Юсубович : [arx. 28.01.2023] : [rus.] // Память Народа. — Müraciət tarixi: 28.01.2023.
3. FƏXRİ FƏRMANLA TƏLTİF EDİLMİŞLƏR = ФӘХРИ ФӘРМАНЛА ТӘЛТИФ ЕДИЛМИШЛӘР // Məhyəddin Abbasov (redaktor) Lenin bayrağı : qəzet. — Nuxa: Nuxa mətbəəsi, 1964. — В. 7 noyabr. — № 132 (429). — Səh. 3.
4. Mete Ə. Karvan yol gedir // O torpağın övladları. — Bakı: Nurlan, 2006. — Səhifələrin sayı:  608. — Səh.: 344-345. — 500 nüsx.
5. Məmmədov Ə., Xalıqov F. Əbdürrəhmanov Nəsib // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 33-34. — 600 nüsx. — ISBN 5-8066-1708-4.