Mirhəsən Axundov

Mirhəsən Axundov
Axundov Mirhəsən Mirabdulla oğlu
Mirhəsən Axundov.
Digər adı	Mirhəsən Axunzadə
Doğum tarixi	1893(1893-Şablondakı doğum və ya ölüm tarixində texniki yanlışlıq var!-00)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	6 aprel 1988 (95 yaşında)
Vəfat yeri	Bakı, Azərbaycan SSR, SSRİ
Uşağı	Rəfiqə Axundova
Vətəndaşlıq	SSRİ
Təhsili	Moskva İqtisadiyyat İnstitutu (1924–1927)
Mükafatları
Adının digər versiyaları	Mirhesen Axundov, Mirhasan Axundov, Миргасан Ахундов, Мирхасан Ахундов, Мирһәсән Ахундов

Mirhəsən Axundov (1893–1988) — tanınmış ticarətçi, Azərbaycan SSR əməkdar iqtisadçısı. Biologiya elmləri doktoru, professor Mirəli Axundovun qardaşı, tibb elmləri namizədi, dosent Rəfiqə Axundovanın isə atasıdır.

Haqqında məlumatlar

1893-cü ildə Nuxada (indiki Şəki) anadan olub.

Təhsili

1905-ci ildə Nuxada yeni açılmış rus-tatar məktəbinə daxil olub.

1924 – 1927-ci illərdə 3 illik Moskva İqtisadiyyat İnstitutunda ali təhsil alıb.

Əmək fəaliyyəti

1910-cu ildə Nuxada fəaliyyət göstərən “Kommersiya Bank”ına hesabdar müavini vəzifəsinə işə götürülüb. Daha sonra həmin bankda şöbə müdiri işləyib.

1927 – 1933-cü illərdə Nuxada, Zaqatalada, Qaxda və Balakəndə ticarət sahəsində məsul vəzifələr tutub.

1933-cü ildə Azərittifaqın baş idarəsində plan şöbəsinin baş inspektoru, daha sonra şöbə müdiri,

1941-ci ildə Xaçmaz şöbəsinin müdiri,

1946-cı ildə isə Quba şöbəsinin müdir müavini vəzifəsinə təyin edilib.

1965-ci ildə təqaüdə çıxıb.

Pedaqoji fəaliyyəti

1 aprel 1917-ci il tarixdə Nuxada (indiki Şəki) təsis edilmiş Hürriyyəti-maarif cəmiyyətinin idarə heyətinin üzvü olub.

Şəkidə işləyərkən qadınların savadsızlığının ləğvi məqsədi ilə kursların açılması, qadınların ictimai işlərə cəlb olunması, fəal qadınların Bakı şəhərinə oxumağa göndərilməsi işində yaxından iştirak edib. Gələcəkdə tanınmış şəxslər olacaq Bilqeys Həşimzadə və Səidə İmanzadə də məhz bu dövrdə Bakıya göndərilmişdi.

Bakıda işləyərkən Kooperativ texnikumunda iqtisadiyyatdan mühazirələr oxuyub.

Təltif və mükafatları

• “Azərbaycan SSR əməkdar iqtisadçısı” fəxri adı;
• “1941 – 1945-ci illər Böyük Vətən müharibəsində fədakar əməyinə görə” medalı (1947);
• “Qafqazın müdafiəsinə görə” medalı;
• “Əmək veteranı” medalı (1977).
• “1941–1945-ci illər Böyük Vətən müharibəsində qələbənin 30 illiyi” yubiley medalı (1975);
• “1941–1945-ci illər Böyük Vətən müharibəsində qələbənin 30 illiyi” yubiley medalı (1985).

Vəfatı

6 aprel 1988-ci il tarixdə – 95 yaşında, Bakıda vəfat edib.

Digər

1925-ci ildə Moskvada təhsil alan azərbaycanlı tələbələrlə birlikdə Nəriman Nərimanovun dəfn mərasimində iştirak edib.

Ədəbiyyat

1. Məmmədov Ə., Xalıqov F. Axundov Mirhəsən // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 42-44. — 600 nüsx. — ISBN 5-8066-1708-4.

Həmçinin, bax:

• Mirəli Axundov
• Rəfiqə Axundova