Dürrə Məmmədova

Dürrə Məmmədova
Məmmədova-Kosmodemyanskaya Dürrə Əlabbas qızı rus.: Мамедова-Космодемьянская Дурра Алаббас Гызы
Dürrə Məmmədova.
Doğum tarixi	25 dekabr 1923(1923-12-25)
Doğum yeri	Nuxa (indiki Şəki), Nuxa qəzası, Azərbaycan SSR, ZSFSR, SSRİ
Vəfat tarixi	1 sentyabr 2005 (81 yaşında), (yaxud 31 avqust)
Vəfat yeri	Bakı, Azərbaycan
Dəfn yeri	Sona qəbiristanlığı, Şəki, Azərbaycan
Vətəndaşlıq	SSRİ→ Azərbaycan
Təhsili	Bakı Əczaçılıq Texnikumunu (–1940)
Mükafatları

Dürrə Məmmədova (1923–2005) — Böyük Vətən müharibəsi iştirakçısı olmuş azərbaycanlı qadın-tibb işçisi, baş leytenant, Azərbaycan SSR əməkdar səhiyyə işçisi, “Florens Naytingel” medalı ilə təltif olunmuş cəmi 12 azərbaycanlı tibb bacısından biri. 1995 və 2000-ci illərdə Moskvada – Qızıl Meydanda, keçirilmiş Qələbə paradların iştirakçısıdır.

Haqqında məlumatlar

25 dekabr 1923-cü ildə Nuxada (indiki Şəki) anadan olub.

Təhsili

1940-cı ildə Bakı Əczaçılıq Texnikumunu bitirib.

Hərbi xidmətdə

22 iyun 1941-ci il tarixdə Böyük Vətən müharibəsinin başlamasından sonra könüllü olaraq cəbhəyə gedib. Əvvəlcə Novorossiysk şəhər 43 №-li hərbi-dəniz hospitalının sərəncamına göndərilib, sonra Novorossiysk Hərbi-Dəniz Bazasının sanitar anbarına köçürülüb. Burada tibb işçisi kimi 18-ci Ordunun Qara dəniz hərbi hissələrinin dərmanlarla, sarğı ləvazimatları və tibbi avadanlıqlarla təchizi məsələləri ilə məşğul olmuş, yaralılara da yardım göstərmişdir. Sovet qoşunları Novorossiysk şəhərini tərk etdikdən sonra isə Gəlincik və Karbardinkada döyüş meydanlarında fəaliyyət göstərib.

1948-ci ilədək hərbi qulluqda saxlanılmış, Hərbi-Dəniz Donanmasının 41 və 45 №-hospitallarında aptek müdiri vəzifəsində çalışmışdır.

Əmək fəaliyyəti

1940 – 1941-ci illərdə Nuxadakı 85 №-li aptekdə işləyib.

1948 – 1961-ci illərdə əmək fəaliyyətini Leninqradda, Uzaq Şərqdə, Port-Arturda (ÇXR),

1961-ci ildən isə Bakıda – 329 saylı aptekdə əmək fəaliyyətini davam etdirib.

1978-ci ildə fərdi pensiyaya çıxıb.

İctimai aktivliyi

3 dəfə Bakı şəhəri Sovetinə deputat,

2 dəfə SSRİ Müharibə Veteranları Komitəsinin plenumuna üzv seçilib.

Təltif və mükafatları

• “1941-1945-ci illər Böyük Vətən müharibəsində Almaniya üzərində qələbəyə görə” medalı;
• “Qafqazın müdafiəsinə görə” medalı;
• “Qırmızı Ulduz” ordeni (06.11.1945) ;
• II dərəcəli “Vətən Müharibəsi” ordeni (06.04.1985);
• SSRİ tibb xidməti əlaçısı;
• Azərbaycan SSR əməkdar səhiyyə işçisi (1981);
• Beynəlxalq Qızıl Xaç və Qızıl Aypara Hərəkatının ən ali mükafatı olan “Florens Naytingel” medalı (2005).

Maraqlı

1998-ci ildə Azərbaycan Respublikasının prezidenti Heydər Əliyevlə görüşdə, Heydər Əliyev onun cavan qalmasına və səliqəsinə işarə edərək belə deyib:

Mən səni artıq 30 ildir ki, tanıyıram. Bu müddət ərzində sən heç dəyişməmisən. 30 il əvvəl də elə belə idin.

Vəfatı

1 sentyabr (digər mənbədə 31 avqust) 2005-ci il tarixdə – 81 yaşında, Bakıda vəfat edib. Vəsiyyətinə uyğun olaraq, Şəkidəki Sona qəbiristanlığında dəfn olunub.

Ədəbiyyat

1. Мамедова Дурра Абассовна : Документы о награждении : [arx. 24.08.2021] : [rus.] // Память народа. — Müraciət tarixi: 24.08.2021.
2. Мамедова-Космодаменская Дурра Аббасовна : Орден Отечественной войны II степени : [arx. 24.08.2021] : [rus.] // Память народа. — Müraciət tarixi: 24.08.2021.
3. Мамедова Дурра Аббасовна : Документы о награждении : [arx. 24.08.2021] : [rus.] // Память народа. — Müraciət tarixi: 24.08.2021.
4. Мамедова-Космодемьянская Дурра Алаббас Гызы : Дополнительные источники : [arx. 24.08.2021] : [rus.] // Память народа. — Müraciət tarixi: 24.08.2021.
5. Məmmədov Ə., Xalıqov F. Məmmədova-Kosmodemyanskya Dürrə Əlabbas qızı // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 403. — 1.000 nüsx.
6. Mete Ə. Şəfqətli döyüşlər // O torpağın övladları. — Bakı: Nurlan, 2006. — Səhifələrin sayı:  608. — Səh.: 355-356. — 500 nüsx.
7. Naibə (7 – 10 may, 2011). "Qələbə günündən qələbə gözləntisi". http://anl.az/ (azərb.). “Həftə içi” qəzeti. 23 Dec 2020 tarixində arxivləşdirilib.
8. Novruz Aslanov (3 May 2011). "Böyük Hərəkat günü". https://modern.az/ (azərb.). Modern.az. 24 Dec 2020 tarixində arxivləşdirilib.
9. Əsədov Q. (Dürrə Məmmədovadan bəhs edilən səhifə) // Şəki və onun təbabət tarixi. — Bakı: Qanun, 2016. — Səh.: 64. — 500 nüsx. — ISBN 978-9952-36-282-4. Arxivləşdirilib; arxivləşdirmə tarixi: 24 dekabr 2020.