Azər Rəşidov

Azər Rəşidov
	Rəşidov Azər Məmməd oğlu
	Azər Rəşidov çıxış edərkən, 26 noyabr, 2020-ci il.
Doğum tarixi	22 oktyabr 1957 (66 yaş)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
İş yeri	Kral Əbdüləziz xəstəxanası (Məkkə, Səudiyyə Ərəbistanı), infeksion xəstəliklərin profilaktikası və nəzarəti şöbəsi (şöbə müdiri)
Elmi dərəcəsi	tibb elmləri namizədi
Təhsili	• Nəriman Nərimanov Azərbaycan Dövlət Tibb İnstitutu, tibbi-profilaktika fakültəsi (1975–1981) • İ.M.Seçenov adına Birinci Moskva Dövlət Tibb Universiteti, epidemiologiya kafedrası, aspirantura (1988–1992)
facebook səhifəsi

Azər Rəşidov — tanınmış epidemioloq-həkim, tibb elmləri namizədi, Kral Əbdüləziz xəstəxanasının (Məkkə, Səudiyyə Ərəbistanı) infeksion xəstəliklərin profilaktikası və nəzarəti şöbəsinin müdiri.

Haqqında məlumatlar[Vizual redaktə | HTML redaktə]

22 oktyabr 1957-ci il tarixdə Nuxada (indiki Şəki) anadan olub.

1961-ci ildə ailəvi Bakıya köçüblər.

Təhsili[Vizual redaktə | HTML redaktə]

1975-ci ildə Bakıda orta məktəbi bitirib.

1975 – 1981-ci illərdə Nəriman Nərimanov adına Azərbaycan Dövlət Tibb İnstitutunun tibbi-profilaktika fakültəsində təhsil alıb.

1988 – 1992-ci illərdə epidemiologiya ixtisası üzrə İ.M.Seçenov adına Birinci Moskva Dövlət Tibb Universitetinin epidemiologiya kafedrasının aspiranturasında təhsil alıb.

Əmək fəaliyyəti[Vizual redaktə | HTML redaktə]

1981-ci ilin sentyabrından 1984-cu ilin noyabrınadək Kizlyar şəhər Mərkəzi Xəstəxanasında (Dağıstan MSSR, RSFSR, SSRİ) epidemiologiya şöbəsinin müdiri,

1984-cü ilin oktyabrından 1988-ci ilin sentyabrınadək Tropik Təbabət və Tibbi Parazitologiya Elmi-Tədqiqat İnstitutunda (Bakı, Azərbaycan SSR, SSRİ) kiçik elmi işçi,

1992-ci ilin yanvarından 1996-ci ilədək Tibbi Profilaktik Təbabət Milli Tədqiqat İnstitutunda (Bakı, Azərbaycan Respublikası) bağırsaq infeksiyaları şöbəsinin müdiri,

1996-cı ilin dekabrından 2000-ci ilədək Azərbaycan Qızıl Aypara Cəmiyyətində (Bakı, Azərbaycan Respublikası) tibb şöbəsinin müdiri vəzifəsində çalışıb.

2000-ci ildən Kral Əbdüləziz xəstəxanasında (Məkkə, Səudiyyə Ərəbistanı) infeksion xəstəliklərin profilaktikası və nəzarəti şöbəsinin müdiridir.

Elmi fəaliyyəti[Vizual redaktə | HTML redaktə]

1992-ci ildə Moskvadakı N.F.Qamaleya adına Epidemiologiya və Mikrobiologiya Elmi-Tədqiqat İnstitutunda namizədlik dissertasiyasını müdafiə edib.

30-dan çox elmi məqaləsi, bağırsaq çöpləri infeksiyası və hepatit virusu mövzusunda həkimlər üçün 3 metodik tövsiyəsi çap olunub. Azərbaycanda və bir çox ölkələrdə elmi simpozium və konfranslarda məruzələrlə çıxış edib.

Pedaqoji fəaliyyəti[Vizual redaktə | HTML redaktə]

1993 – 1995-ci illərdə Bakıdakı Xəzər Universitetinin mikrobiologiya, epidemiologiya və infeksion xəstəliklər kafedrasında,

1998 – 2000-ci illərdə Müstəqil Azərbaycan Universitetinin mikrobiologiya, epidemiologiya və infeksion xəstəliklər kafedrasında (Bakı) dosent vəzifəsini tutub.

Digər[Vizual redaktə | HTML redaktə]

Qrant əsasında 3 ay ABŞ-da (Klivlend şəhəri), Avstriyada və Macarıstanda çalışıb.

2003-cü ilin yanvarında Səhiyyə Mütəxəssisləri üzrə Səudiyyə Şurası tərəfindən tibb-mütəxəssis-epidemioloqu kimi təsdiqlənib.

Azərbaycanca, rusca ingiliscə və ərəbcə sərbəst danışır.

Ailəsi[Vizual redaktə | HTML redaktə]

Ailəlidir, iki övladı var.

Ədəbiyyat[Vizual redaktə | HTML redaktə]

Məmmədov Ə., Xalıqov F. Рашидов Азер Мамед оглы // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 464-465. — 1.000 nüsx.