Əzəl Sultanov

Əzəl Sultanov
Sultanov Əzəl Cəfər oğlu
Əzəl Sultanov.
Doğum tarixi	25 dekabr 1905(1905-12-25)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	1990(1990-Şablondakı doğum və ya ölüm tarixində texniki yanlışlıq var!-00) (85 yaşında)
Vəfat yeri	Bakı, Azərbaycan SSR, SSRİ
Vətəndaşlıq	SSRİ
Elm sahəsi	geologiya
Elmi dərəcəsi	geologiya-mineralogiya elmləri doktoru
Elmi adı	professor
Təhsili	Azərbaycan Politexnik İnstitutunu, mühən­dis-geoloq ixti­sa­sı üzrə (–1930) Mos­kva Neft İnstitutu, aspi­ran­tura (1935–)
Üzvlüyü	Azərbaycan SSR Elmlər Akademiyasının həqiqi üzvü
Mükafatları

Əzəl Sultanov (1905–1990) — geologiya-mineralogiya elmləri doktoru, professor, Azərbaycan SSR Elmlər Akademiyasının həqiqi üzvü.

Haqqında məlumatlar

25 dekabr 1905-ci il tarixdə Nuxada (indiki Şəki) anadan olub.

Təhsili

1930-cu ildə mühən­dis-geoloq ixti­sa­sı üzrə Azərbaycan Politexnik İnstitutunu bitirib.

1935-ci ildə Mos­kva Neft İnstitutunun aspi­ran­turasına daxil olub.

Əmək fəaliyyəti

1930 – 1934-cü illərdə Zaqafqaziya geoloji tres­tində geoloji-kəşfiyyat dəstələrinin rəisi vəzifəsində işləyib.

1934-cü ildə Azər­baycan geoloji bürosunun rəisi vəzifəsinə təyin olunub.

1939 – 1945-ci illərdə SSRİ EA Azərbaycan filialının Geologiya İnstitutunda baş elmi işçi,

1945 – 1949-cu və 1958 – 1970-ci illərdə Azərbaycan SSR Elmlər Akademiyasının Geologiya İnstitutunun direktoru,

1952 – 1956-cı illərdə S.M.Kirov adına Azərbaycan Dövlət Universitetinin elm üzrə prorektoru və Çökmə süxurların petroqrafiyası kafed­rasının müdiri,

1954 – 1955-ci illərdə Azərbaycan SSR Elmlər Akademiyasının Rə­ya­sət Heyəti yanında Məhsuldar Qüvvələri Öyrənən Şuranın sədri olub.

İkinci iş yerləri

Uzun müddət S.M.Kirov adına Azərbaycan Dövlət Universitetində və M.Əzizbəyov adına Azər­baycan Neft-Kimya İnsti­tu­tunda dərs deyib.

Elmi fəaliyyəti

1939-cu ildə “Naftalan akçaqıl çöküntülərinin litologiyası” mövzusunda namizədlik,

1944-cü ildə isə “Azərbaycanın məhsuldar qatının litologiyası” mövzusunda doktorluq dissertasiyasını müdafiə edib.

1945-ci il­də professor elmi adını alıb.

1958-ci ildən Azərbaycan SSR Elmlər Akademiyasının müxbir üzvü,

1959-cu ildə isə həqiqi üzvü seçilib.

Bütün elmi fəaliy­yəti geologiyanın vacib məsələlərinin həlli, neft və qaz yataqlarının axtarışı və onların proqnoz qiy­mətlərinin verilməsi, həmçinin çökmə və vulkanogen-çökmə yolla əmələ gə­lən qeyri-filiz yataqlarının və tikinti materiallarının öyrənilməsi ilə əla­qədar olmuş­dur.

300-dən artıq elmi əsərin, o cümlədən bir neçə monoqra­fiya və elmi-kütləvi kitabçanın müəllifidir.

20-dən çox elmlər namizədinin və elmlər doktorunun elmi rəhbəri olub.

Elmi-ictimai aktivliyi

SSRİ EA Yer haqqında Elmlər Bölməsinin çökmə süxurlar komi­tə­si­nin üzvü,

Britaniya Krallığı Mineraloji Cəmiyyətinin fəxri üzvü idi.

Təltif və mükafatları

• Azərbaycan SSR Ali Sovetinin Fəxri fərmanı, bir neçə dəfə;
• “Qırmızı Əmək Bayrağı” ordeni;
• medallar.

Vəfatı

1990-cı ildə – 85 yaşında, Bakıda vəfat edib.

Xatirəsi

27 dekabr 2005-ci il tarixdə Azərbaycan Milli Elmlər Akademiyasının Geologiya İnstitutunda anadan olmasının 100 illiyinə həsr edilmiş tədbir keçirilmişdir.

Ədəbiyyat

1. Sultanov Əzəl Cəfər oğlu // Azərbaycan Sovet Ensiklopediyası  : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1986. — IX  cild. — Səhifələrin sayı:  623. — Səh.: 71. — 80.000 nüsx.
2. Məmmədov Ə., Xalıqov F. Sultanov Əzəl // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 509-510. — 1.000 nüsx.
3. "Vəfat etmiş həqiqi üzvlər/Sultanov Əzəl Cəfər oğlu". http://science.az/ (azərb.). Azərbaycan Milli Elmlər Akademiyas. 23 Dec 2020 tarixində arxivləşdirilib.
4. Murtuzayev S.N Əzəl Cəfər oğlu Sultanov // İlisu (ensiklopedik məlumat kitabı). — İkinci nəşr. — Bakı: Vətən, 2012. — Səhifələrin sayı:  416. — Səh.: 181. Arxivləşdirilib; arxivləşdirmə tarixi: 25 dekabr 2023.