Əhməd Nəbiyev

Əhməd Nəbiyev
	Nəbiyev Əhməd Əbdürrəhim oğlu
	Əhməd Nəbiyev.
Doğum tarixi	1 iyul 1885
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	+1970
Vəfat yeri	SSRİ
Vətəndaşlıq	SSRİ
Təhsili	Qori seminariyası, müəllimlik ixtisası (–1911)
Həyat yoldaşı	Maral Əfəndiyeva-Nəbiyeva
Uşaqları	Rüxsarə və İzzət
Mükafatları

Əhməd Nəbiyev (1885–+1970) — tanınmış maarifçi, maarif tədqiqatçısı, pedaqoq və etnoqraf.

Haqqında məlumatlar[Vizual redaktə | HTML redaktə]

1 iyul 1885-ci il tarixdə Nuxada (indiki Şəki) anadan olub.

Təhsili[Vizual redaktə | HTML redaktə]

1893 – 1899-cu illərdə Nuxada altıillik üsuli-cədid məktəbində təhsil alıb.

1899 – 1901-ci illərdə rus dili üzrə fərdi hazırlaşıb.

1901 – 1908-ci illərdə Bakıda Mixailovski məktəbində təhsil alıb.

1911-ci ildə Qori seminariyasını bitirib.

Əmək fəaliyyəti[Vizual redaktə | HTML redaktə]

1911 – 1913-cü illərdə həyat yoldaşı Maral Əfəndiyeva-Nəbiyeva ilə birlikdə Karyagin qəzasının Qarğabazar kənd məktəbində,

1913 – 1919-cü illərdə Nuxa məktəblərində,

1920 – 1925-ci illərdə Nuxa qız seminariyasında,

1946 – 1957-ci illərdə Bakı şəhər 44 №-li orta məktəbində müəllim işləyib^{[qeyd 1]}.

1957-ci ildə – 72 yaşında, təqaüdə çıxıb.

Elmi fəaliyyəti[Vizual redaktə | HTML redaktə]

Şəkidə təhsilin tarixi mövzusunda bir neçə məqaləsi çap olunmuşdur. Lakin Şəki haqqında bir neçə yüz dəftər səhifəsi həcmində qələmə aldığı tarixi-etnoqrafik yazıları isə heç vaxt çap olunmayıb.

Təltif və mükafatları[Vizual redaktə | HTML redaktə]

Lenin ordeni (1949).

Vəfatı[Vizual redaktə | HTML redaktə]

1970-ci ildə həyatda idi. Vəfat etdiyi il məlum deyil.

Ailəsi[Vizual redaktə | HTML redaktə]

Atası Əbdürrəhim Mahmud oğlu (1843–1927) zərgər idi. Anası isə savadsız bir qadın olub.

Rəşid bəy Əfəndiyevin qızı Maral Əfəndiyeva-Nəbiyeva (1889-1967) ilə evlənmişdir. O da tanınmış pedaqoq idi. Qızları Rüxsarə 1942-ci ildə S.M.Kirov adına Azərbaycan Dövlət Universitetini bitirdikdən sonra təyinatla V.İ.Lenin adına Nuxa İpək Kombinatına iqtisadçı işləməyə göndərilmişdir. Oğulları İzzət Nəbiyev texnika elmləri doktoru, professor, Azərbaycan SSR əməkdar elm və texnika xadimi, SSRİ Dövlət mükafatı laureatı olub.

Ailə fotoşəkilləri^{[qeyd 2]}[Vizual redaktə | HTML redaktə]

Əhməd Nəbiyev, Nuxa, 1907-ci il.
Əhməd Nəbiyev, Sankt-Peterburq, 1907-ci il.
Əhməd Nəbiyev, Sankt-Peterburq, 1908-ci il.
Əhməd Nəbiyev və Maral Əfəndiyeva, Car kəndi, 1913-cü il.
Əhməd Nəbiyev, qızı Rüxsarə, anası Məsumə, həyat yoldaşı Maral Əfəndiyeva.
Əhməd Nəbiyev, Qarğabazar, 1913-cü il.
Nəbiyevlər ailəsi, Bakı, 1924-cü il.
Rəşid bəy Əfəndiyevin ailə üzvləri; soldan: 1) Mahtaban, 2) Cəmilə, 3) Məmməd Əfəndiyev, 4) Naimə, 5) Maral Əfəndiyeva-Nəbiyeva. Arxada: İzzət Nəbiyev.

Qeydlər[Vizual redaktə | HTML redaktə]

↑ Əhməd Nəbiyev 7 aprel 1964-cü il tarixdə öz əli ilə qələmə aldığı tərcümeyi-halında 1925 – 1946-cı illərdə harada və hansı vəzifədə işləməsi barədə məlumat vermir. Yalnız qeyd edir ki, 1925-ci ildə Bakıya köçmüş, 1943 – 1946-cü illərdə əvvəl iki il Qutqaşendə (indiki Qəbələ), sonra isə Nuxada yaşamış, 1946-cı ilin yanvar ayında yenidən Bakıya qayıtmış və Bakı şəhər 44 №-li orta məktəbində müəllim təyin olunmuşdur.
↑ Fotoşəkillər professor Ədalət Tahirzadə tərəfindən Şəki Ensiklopediyasına təqdim edilib.

Ədəbiyyat[Vizual redaktə | HTML redaktə]

Əhməd Nəbiyevin qələmə aldığı Şəki haqqında tarixi-etnoqrafik materiallar (əlyazma). — Müraciət tarixi: 11.11.2023.

[Q1-1] Əhməd Nəbiyev 7 aprel 1964-cü il tarixdə öz əli ilə qələmə aldığı tərcümeyi-halında 1925 – 1946-cı illərdə harada və hansı vəzifədə işləməsi barədə məlumat vermir. Yalnız qeyd edir ki, 1925-ci ildə Bakıya köçmüş, 1943 – 1946-cü illərdə əvvəl iki il Qutqaşendə (indiki Qəbələ), sonra isə Nuxada yaşamış, 1946-cı ilin yanvar ayında yenidən Bakıya qayıtmış və Bakı şəhər 44 №-li orta məktəbində müəllim təyin olunmuşdur.

[Q2-2] Fotoşəkillər professor Ədalət Tahirzadə tərəfindən Şəki Ensiklopediyasına təqdim edilib.

[qeyd 1]

[qeyd 2]