Nəbiyyə Əbdürrəhmanova

Nəbiyyə Əbdürrəhmanova
	Əbdürrəhmanova Nəbiyyə Adışirin qızı
	Nəbiyyə Əbdürrəhmanova.
Doğum tarixi	13 avqust 1924
Doğum yeri	Nuxa (indiki Şəki), Azərbaycan SSR, ZSFSR
Vəfat tarixi	1993
Həyat yoldaşı	Rəcəb Ağayev
Vətəndaşlıq	SSRİ→ Azərbaycan
Təhsili	• Nuxa Dövlət Müəllimlər İnstitutu, tarix şöbəsi (1948–1950) • Azərbaycan Müəllimləri Təkmilləşdirə İnstitutu, tarix fakültəsi, qiyabi (1958–1964)
Adının digər versiyaları	Nəbiyyə Abdurahmanova, Nebiyye Abdurahmanova, Nabiyya Abdurahmanova, Нәбијјә Әбдүррәһманова

Nəbiyyə Əbdürrəhmanova (1929–1993) — sovet dövründə Şəkidə tanınmış partiya işçisi olmuş şəxs. 4, 5, 6 və 8-ci çağırış şəhər sovetinin deputatı seçilmişdir.

Haqqında məlumatlar

13 avqust 1924-cü il tarixdə Nuxada (indiki Şəki) anadan olub.

Təhsili

Nuxa şəhər 5 №-li məktəbini və Nuxa Pedaqoji Texnikumunu bitirib.

1948 – 1950-ci illərdə ikiillik Nuxa Dövlət Müəllimlər İnstitutunun tarix şöbəsində,

1958 – 1964-cü illərdə Azərbaycan Müəllimləri Təkmilləşdirə İnstitutunun tarix fakültəsində təhsil alıb.

Əmək fəaliyyəti

Nuxa Pedaqoji Texnikumunu bitirdikdən sonra bir müddət komsomol təşkilatında müxtəlif vəzifələrdə çalışıb.

1950-ci ildən isə Azərbaycan KP Nuxa rayon partiya komitəsinin təbliğat və təşviqat şöbəsinin təlimatçısı olub.

1983-cü ildə təqaüdə çıxıb.

İctimai-siyasi aktivliyi

1951, 1953, 1955 və 1959-cu illərdə Nuxa şəhər Sovetinin deputatı seçilib.

Vəfatı

1993-cü ildə Şəkidə vəfat edib. Məhəmməd əfəndi qəbiristanlığında dəfn olunub.