Nüyvər Nəsrullayev

Nüyvər Nəsrullayev
	Nəsrullayev Nüyvər Loğman oğlu
	Nüyvər Nəsrullayev.
Doğum tarixi	8 mart 1939 (85 yaş)
Doğum yeri	Oxud, Nuxa (indiki Şəki) rayonu, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	fizika-riyaziyyat, həndəsə
Elmi dərəcəsi	fizika-riyaziyyat elmləri namizədi
Elmi adı	dosent
Təhsili	• Kazan Dövlət Pedoqoji İnstitutu, fizika-riyaziyyat fakültəsi (1958–1962) • S.M.Kirov adına Azərbaycan Dövlət Universiteti, həndəsə kafedrası, aspirantura (1969–1972)
Elmi rəhbəri	prof. Şirokov
Mükafatları
Adının digər versiyaları	Nuyver Nesrullayev, Nuyvar Nesrullayev, Nuyver Nasrullayev, Nuyvar Nasrullayev, Нуйвар Насруллаев, Нювар Насруллаев, Нювар Несруллаев, Нүвәр Нәсауллајев

Nüyvər Nəsrullayev — fizika-riyaziyyat elmləri namizədi, dosent, Gəncə Dövlət Universitetinin Fəxri professoru, Azərbaycan Respublikasının əməkdar müəllimi.

Haqqında məlumatlar

8 mart 1939-cu il tarixdə Nuxa (indiki Şəki) rayonunun Oxud kəndində anadan olub. 1946-1956-cı illərdə Oxud kənd orta məktəbində təhsil almışdır.

Təhsili

1958 – 1962-ci illərdə Kazan Dövlət Pedoqoji İnstitutunun fizika-riyaziyyat fakültəsində,

1969 – 1972-ci illərdə S.M.Kirov adına Azərbaycan Dövlət Universitetinin həndəsə kafedrasının aspiranturasında təhsil alıb.

Elmi fəaliyyəti

1974-cü ildə Kazan Dövlət Universitetində professor Şirokovun rəhbərliyi ilə “Pseudo-Evklid fəzasının diferensial həndəsəsi məsələsinə dair” “К вопросу о дифференцальной геометрии псевдоевклидова пространства” adlı mövzuda namizədlik dissertasiyasını müdafiə edib.

“Həndəsənin əsasları”, “Qraflar”, “Həndəsə məsələləri”, “Qurmalar həndəsəsinin əsasları” adlı dərs vəsaitlərinin müəllifidir.

Hərbi xidməti

1962 – 1964-cü illərdə həqiqi hərbi xidmətdə olub.

Əmək fəaliyyəti

1962 – 1964-cü illərdə Nuxa rayonunun Cəyirli kənd məktəbində,

1964 – 1966–cı illərdə isə Nuxa şəhər 2 №-li orta məktəbində fizika və riyaziyyat müəllimi vəzifəsində çalışıb.

1973-cü ildən Həsən Bəy Zərdabi adına Kirovabad Dövlət Pedaqoji İnstitunda/Gəncə Dövlət Universitetində işləyir; o cümlədən,

1973 – 1975-ci illərdə müəllim

1975 – 1978-ci illərdə baş müəllim,

1977 – 1985-ci illərdə həndəsə və səbr kafedrasının müdiri,

1985 – 1998-ci illərdə riyaziyyat-informatika fakültəsinin dekanı,

2000 – 1911-ci illərdə həndəsə və cəbr kafedrasının müdiri,

2011 – 2017-ci illərdə isə həmin kafedranın dosenti olub.

Təltif və mükafatları

“Azərbaycan Respublikasının əməkdar müəllimi” fəxri adı (23.04.2009).
Gəncə Dövlət Universitetinin “Fəxri professoru” adı (2016).

Ədəbiyyat

Məmmədov Ə., Xalıqov F. Nəsrullayev Nüyvər // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 448-449. — 1.000 nüsx.
Fəxri professorlar : Nüyvər Loğman oğlu Nəsrullayev // Gəncə Dövlət Universiteti. — Müraciət tarixi: 08.03.2024.