Mənzər Rəhimli

Mənzər Rəhimli
Rəhimli Mənzər Əhməd qızı
Mənzər Rəhimli.
Doğum tarixi	20 fevral 1950 (1950-02-20)
Doğum yeri	Bakı, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	kimya
İş yeri	AMEA akademik M.F.Nağıyev adına Kataliz və Qeyri-üzvi Kimya İnstitutu (aparıcı elmi işçi)
Elmi dərəcəsi	kimya elmləri namizədi
Elmi adı	dosent
Təhsili	• Azərbaycan Dövlət Pedaqoji İnstitutu, kimya fakültəsi (–1971)  • Azərbaycan SSR EA Qeyri-Üzvi və Fiziki-Kimya İnstitutu, aspirantura (1982–)
Həyat yoldaşı	Ramiz Hümbətov
Uşaqları	Nərminə və Nərgiz
Atası	Əhməd Rəhimli
Anası	Səyyarə Ələkbərova
• facebook səhifəsi 1  • facebook səhifəsi 2

Mənzər Rəhimli — kimya elmləri namizədi, dosent, AMEA akademik M.F.Nağıyev adına Kataliz və Qeyri-üzvi Kimya İnstitutunun aparıcı elmi işçisi. Atası Əhməd Rəhimli müxtəlif illərdə Azərbaycan KP-nin Nuxa şəhər və Bakı şəhər rayon, Xaçmaz rayon komitələrinin birinci katibi, Azərbaycan SSR maarif nazirinin birinci müavini və s. bu kimi məsul vəzifələrdə çalışmışdır.

Haqqında məlumatlar

20 fevral 1950-ci il tarixdə Bakıda anadan olub.

Təhsili

1971-ci ildə Azərbaycan Dövlət Pedaqoji İnstitutunun kimya fakültəsini bitirib.

1982-ci ildə istehsalatdan ayrılmadan Azərbaycan SSR EA Qeyri-Üzvi və Fiziki-Kimya İnstitutunda qeyri-üzvi kimya ixtisası üzrə aspiranturaya daxil olub.

Elmi fəaliyyəti

1992-ci ildə “Uranın dəniz suyu tipli karbonat məhlullarından lifli sorbentlərlə sorbsiya ilə çıxarılması” mövzusunda dissertasiyasını müdafiə edib və kimya elmləri namizədi elmi dərəcəsi alıb.

2001-ci ildə qeyri-üzvü kimya ixtisası üzrə baş elmi işçi (dosent) elmi adını alıb.

11-i xaricdə, 3-ü beynəlxalq bazalarda referatlaşdırılan və indeksləşdirilən jurnallarda olmaqla çapdan çıxmış 42 elmi əsərin müəllifidir.

Əmək fəaliyyəti

AMEA akademik M.F.Nağıyev adına Kataliz və Qeyri-üzvi Kimya İnstitutunda aparıcı elmi işçi vəzifəsində çalışır.

Ədəbiyyat

1. Məmmədov Ə., Xalıqov F. Rəhimli Mənzər // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 480-481. — 1.000 nüsx.
2. Kataliz və Qeyri-üzvi Kimya İnstitutunun fəlsəfə doktorları : Rəhimli Mənzər Əhməd qızı : [arx. 10.11.2021] // Azərbaycan Milli Elmlər Akademiyası. — Müraciət tarixi: 10.11.2021.