Qüdrət Məmmədov

Qüdrət Məmmədov
Məmmədov Qüdrət Hacıbəy oğlu
Qüdrət Məmmədov.
Doğum tarixi	12 dekabr 1936(1936-12-12)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	20 fevral 2021 (84 yaşında)
Vəfat yeri	Şəki, Azərbaycan
Təhsili	• Əzim Əzimzadə adına Rəssamlıq Məktəbi (1952–1957)  • Xarkov Dövlət Rəssamlıq İnstitutu (1957–1964)
Mükafatları

Qüdrət Məmmədov (1936–2021) — Azərbaycan Respublikasının əməkdar rəssamı; uzun müddət Sabit Rəhman adına Şəki Dövlət Dram Teatrının baş rəssamı vəzifəsində çalışmışdır.

Haqqında məlumatlar

12 dekabr 1936-cı il tarixdə Nuxada (indiki Şəki) anadan olub.

Təhsili

Nuxada yeddinci sinfi bitirib.

1952 – 1957-ci illərdə Əzim Əzimzadə adına Rəssamlıq Məktəbində,

1957 – 1964-cü illərdə isə Xarkov Dövlət Rəssamlıq İnstitutunda təhsil alıb.

Əmək fəaliyyəti

1964 – 1973-cü illərdə Kirovabad Dövlət Pedaqoji İnstitutunda əvvəl assistent, sonra isə müəllim işləyib.

1965 – 1970-ci illərdə həm də Kirovabad (indiki Gəncə) şəhərinin baş rəssamı olub.

1973 – 1975-ci illərdə Şəki şəhər Füzuli adına mədəniyyət və istirahət parkının,

1975-ci ildən təqaüdə çıxanadək isə Sabit Rəhman adına Şəki Dövlət Dram Teatrının baş rəssamı vəzifəsində çalışıb.

Yaradıcı fəaliyyəti

Sabit Rəhman adına Şəki Dövlət Dram Teatrında işlədiyi uzun illər ərzində 140-dan artıq tamaşaya səhnə tərtibatı verib.

Təltif və mükafatları

“Azərbaycan Respublikasının əməkdar rəssamı” fəxri adı (2002).

Vəfatı

Qüdrət Məmmədovun baş daşı.

20 fevral 2021-ci il tarixdə – 84 yaşında, Şəkidə vəfat edib.

Ədəbiyyat

1. Rəhimli İ. Qüdrət Məmmədov // Şəki teatrı. — Bakı: Qanun, 2016. — Səhifələrin sayı:  383. — Səh.: 372-374. — 500 nüsx. — ISBN 978-9952-36-230-5.
2. "HAQQIMIZDA/Üzvlər/M/Məmmədov Qüdrət Hacıbəy oğlu". http://teatrittifaqi.az/ (azərb.). Azərbaycan Teatr Xadimləri İttifaqı. 2 Nov 2013 – 3 Aug 2020 tarixində arxivləşdirilib.
3. https://www.facebook.com/shekiteatr/ (azərb.). Şəki Dövlət Dram Teatrının facebook səhifəsi. 21 Feb 2021 tarixində arxivləşdirilib .